Túbong Nasugbu, Batangas si Kelvin. Nagtapos siya ng kanyang Batsilyer (2016) at Masterado (2019) sa Antropolohiya sa Unibersidad ng Pilipinas sa Diliman. Interes niyang saliksikin ang ugnayan ng tao at pisikal na kalikasan, mga unggoy at iba pang hayop na kasama ng tao, at Etnoprimatolohiya. Batid niya ang halaga ng wika sa pagsulong ng pambansang pag-unlad at kasarinlan sa pamamagitan ng pagpapalawak ng konteksto sa mabisang paggamit nito.
